Ti t’adesciae ‘nsce l’endegu du matìn
ch’à luxe a l’à ‘n pé ‘n tera
l’atru in mà
ti t’ammiae e ou spégiu
de ‘n tianin
ou çe ou s’amnià
aou spegiu da ruzà
ti mettiae ou brugu reddenu
‘nte ‘n cantùn
che se d’a cappa a sguggia
‘n cuxin-a à stria
a xeua de cuntà
‘e pàgge che ghe sùn
‘a çimma a l’e za pinn-a
a l’è za cuxia
Cé serén tèra scua
carne ténia nu fate neigra
nu turna dua
Bell’ouggé strapunta
de tuttu bun
prima da battezàlu
‘ntou prebuggiùn
cun dui aguggiuin dritu
‘n punta de pé
da survia ‘n cu fitu
ti ‘a punziggè
àia da lun-a végia
de ciaeu de négia
ch’ou cégu ou pèrde ‘a tèsta
l’ase ou senté
oudù de mà lisciòu
de pèrra légia
cos’atru fà
cos’atru dàghe a ou çe
Ce serén tèra scua
carne ténia nu fate neigra
nu turna dua
e ‘nt’ou nùme de Maria
tutti diài da sta pùgnatta
anène via
Poi vegnan a pigiàtela i camé
te lascian tuttu ou fummu
d’ou toeu mesté
tucca a ou fantin-a à prima coutela
mangè mangè
nu séi chi ve mangià
Ce serén tèra scua
carne ténia nu fate neigra
nu turna dua
e ‘nt’ou nùme de Maria
tutti diài da sta pùgnatta
anène via.