Quandu a dumenega fan u gìu
cappellin neuvu neuvu u vestìu
cu ‘a madama a madama ‘n testa
o belin che festa o belin che festa
a tutti apreuvu a prucessiùn
d’a Teresin-a du Teresùn
tutti a mià figge di diàu
che belin de lou
che belin de lou
e a stu lucia de cheusce e de tettìn
ghe fan u sciatu anche i ciu piccìn
mama mama damme e palanche
veuggiu anà a casìn
veuggiu anà a casìn
e ciu s’addentran inta çittae
ciù euggi e vuxi ghe dan deré
ghe dixan quellu che nu peùan dì
de zeùggia sabbu e de lunedì
a Ciamberlin sussa belin *
a Fuxe cheusce de sciaccanuxe
in Caignàn musse de tersa man
e in Puntexellu
ghe mustran l’oxellu
e u direttù du portu
c’u ghe vedde l’ou
‘nte quelle scciappe
a reposu da u lou
pe nu fa vedde ch’u l’è cuntentu
ch’u meu-neuvu u gh’à
u finansiamentu
u se confunde ‘nta confusiùn
cun l’euggiu pin de indignasiùn
e u ghe crìa u ghe crìa deré
bagasce sei e ghe restè
e ti che ti ghe sbraggi apreuvu
mancu ciu u nasu gh’avei de neuvu
bruttu galusciu
de ‘n purtòu de Cristu
nu t’è l’unici ch’u se n’è avvistu
che in mezu a quelle creatue
che se guadagnan u pan da nùe
a gh’è a gh’è a gh’è a gh’è
a gh’è anche teu muggè
a Ciamberlin sussa belìn
a Fuxe cheusce de sciaccanuxe
in Caignàn musse de tersa man
e in Puntexellu
ghe mustran l’oxellu.